"Oli se senthän soma ko meiläki oli talvi pitkästä aikaa. Kunta pääsi ishoin otsikoihin monena päivänä. Ulkomailaki kauhistelthin ko meilä oli niin kylmää.
Mutta oliko se lopulta kovinkhan kylmä. Meilä ei ole oikhen ollu monhen vuothen kunnon pakkasia. Nyt oli muutaman päivän neljänkympin pinnassa. Tällä hetkelä molema olhe tänä talvena kylmin paikka koko maassa.
Oliko se lentokentälä mitattu peräti -44,3 astetta. Son se viralinen lukema. Hetassa oli ollu yhessä paikkaa -44,9 ja Palojoessa melkhein -47. Ei siinä tehe paljoa mieli autoa tarttaila ko pakon eessä.
Mieki piin ommaa kotteroa vishin viikon roikassa, ettei ihan kokonhan jäävy. Onneks mie laitatin siihen ylläpitolaturin, ko yks väärti suositteli semmosta. Sillä on ollu semmonen jo monta vuotta, eikä ole akkukhan jäätyny tai tyhjentyny. Moni tuttu on sanonu, että non joutunhe osthan uuen akun pakkasen takia.
Pakkaset ko loppu ja tuli sitte se nollakeli, niin tuntu, että saapii t-paitasilhan olla ulkona. Äkkiä sitä ihminen tottuu.
On siittä kylmästä senthän ollu jotaki hyötyäki. Bensaa on säästyny ja kuntoki kohonu ku on liikkunu jalkasten kylilä ja joutu puita kanthan melkosesti. Sei ole ollu hullumpaa ja mie olenki jatkanu kylästelyä kävellen senki jälkhen. Suosittelen rohki muilekki."
Ei kommentteja:
Lähetä kommentti