"Son taas revontuliaika menheilhän. Aika harvoin kerkiää kartanolle töllistelhen taivaanvalkeita. Ja non nykyhjän aika myöhhän, ettei työssäkäyvä oikhen jaksa ennää kukkua niin pitkhän. Sitte ko on vielä niin pöljän tuuria, että monta kertaa on oikhen lehissäki mainostettu, että nyt tullee tosi komeat revontulet, niin eikö solekki sillloin meilä taivas pilvessä.
Olen mie parina iltana keriny senthän käyvväkki. Onhan net jonkulaiset silloin ollu. Onneks tässä on kuiteski koko monta iltaa vielä aikaa tuijjata niitä. Pittää vain seurata tuota sovellusta, ko sese ylhensäkki ilmottellee niistä. Kameraki pittää ottaa aina mukhan ko lähtee reishun. Son muuten varma, että ko jätät sen kotia, niin justhinsa silloin tullee net syksyn kommeimmat valkeat.
Nyt kannattaa hyövyntää sullaa vettä. Silloin saapii hienoja heijjastuksia. Yhet valot on taihvaala ja toiset järvessä. Vielä ko kehtais lähteä ajamhan tunturhin enneku lunta tullee liikaa."
Ei kommentteja:
Lähetä kommentti