Mie olen kokkeillu miettiä Enontekijöläisiä sanontoja ja vitsejä. Son muuten aika mahohon homma. Ylhensäkki sanonat on semmosia sisäpiirin juttuja, jokka ei välttämättä aukene muile. Lisäksi joka kylälä on omia, juuri sillä kylälä syntynheitä lentäviä lausheita. Niitä kuulee silloin tällöin, mutta arvaappa muistaako niitä sitte ennää vähän ajan päästä. Sitte siinon vielä seki homma, että sanontojen merkitys saattaa vähä muuttua, riippuu miltä puolen kuntaa on poissa.
Niin letto, ettei siittä pääse yli lentävä lintukhan. - Tämä sanonta kuvvaa semmosta oikhen märkää ja rapasta jänkkää, ettei siittä pääse mitenkhän yli.
Kaikki linja-autot ei ole Eskelisiä. - Täälä päin kaikkia linja-autoja kuttuthan yleisnimelä Eskelinen, ko Eskelisen Lapin linjat-yhtiön autot on hoitanhe yleiset linjat etelän suunthan niin kauvvan ko mie muistan. Muuala paikkakunnale muuttanheita kuttuthan junantuomiksi, meilä non Eskelisentuomia.
Älä hättäile, istu mäthäle, kyllä se pipo löytyy. - Näin ruukathan sanoa semmoselle, joka rukattaa kiirhen kans koko ajan.
Souvva sie, mie huopaan. - Tämä taas tarkottaa, että toinen yrittää tehettää toisela enimät hommat, ko itte yrittää laiskotella.
Rohki soma. - Toela hauska. Rohki-sannaa käytethän kuvvaamhan, ko joku on tosijhan jotaki. Rohki kaunis, rohki märkä, jne.
Jos met eksymä, niin met lähemä sitte kotia. - Tätä käytethän oikeasthan koko Lapissa, mutta se kertoo kuinka hyviä molema ossaamhan, ko olema ikämme kulkenhe mettässä.
Soma son. - Ylheinen toteamus asijasta tai olotilasta, joka on mukava tai hauska.
Ei sole paska mikhän, saatan mie vain senki tehä. - Hommaa ei pietä minhän elikkä hankalana, niin sen voi tehhä. Käytethän kyllä laajemallaki aluheela.
Oota ja älä näppää. - Tämä kuvvaa sitä, ko pyyethän toista tekemhän tai hakemhan jotaki ja sei jostaki syystä meinaa tapahtua. Silloin tehhän tai haethan itte.
Ei kommentteja:
Lähetä kommentti