torstai 25. joulukuuta 2025

Joulurauhaa kaikille!

 


     "Son taas jouluaatto. Kauhea ko aika mennee nopeasti. Tänä vuona meilä onki perhejoulu, ko melkhein kaikki lapset on tulhe vanhuksia kattomhan. Kyllä se pohjonen vielä vettää, vaikka non vuosia jo asunhe muuala.

     Aamukahvin jälkhen pittääki lähteä laittamhan kynttilät jäälyhthyin, ossaa pukki sitte tulla hämärässä oikejhan pihhan. Hautuumaale pittää viiä kans kynttilöitä. Niitä onki tullu melkosesti lissää viimi vuosina. Suku ja tuttavat harvenee. 

     Joulusauna pittää kans lämmittää. Sen jälkhen vasta pääsee syömhän. Siinon maltti koetuksela, ko jääkaappi on täynä herkkuja, mutta niihin ei auta koskea ennen aattoa. Monta päivää jo kuolanu ja oottanu. Mutta kohta on lupa koskea niihin. 

     Joulun aika on loppujen lopuksi lyhkänen ja mennee hopusti, mutta siinä kuitenki kerkiää huilaamhan. Arki katkeaa somasti ja kerkiää kavota työasijakki päästä kokonhan. 

     Nyt väärtirakhat nautima juhlasta, herkkuruuista, kiirhettömyyestä ja ennen kaikkea läheisten seurasta. Nykyhjän niitä kuitenki harvemin näkkee. 

     Oikhen hyvvää, rauhalista ja turvalista joulua, justhinsa sulle!"




     

Ei kommentteja:

Lähetä kommentti

Vain valkoiset seinät ympärillä.

     "Täälä taasen. Hirvipassissa meinaan. Jännästi sitä näkkyy tutukki paikat ouvoilta ko kulkee sumussa. Välilä alkaa miettimhän, ett...