"Olihan se soma käyvvä pikku reisu etelässäki, mutta kyllä mie vain sanon, että paras paikka maalimassa on kuiteski tämä meijjän oma kotikunta. Missä sitä ihminen parhaten rauhottuis ko omala salhaisela tammukkapurola. Sielä on aina soma käyvvä vaikka mithän ei tuliskhan.
Missä muuala saat kattella ko riekkopoikujhet laukkoo pitkin jäkäläkankhaita. Kuitenkhan net ei oikeasthan pölkää sinua, väistävät vain. Juoksevat penshasta toishen, välilä niinku kiusaten, että ota kiini jos saat. Ja ku istahat polun reuhnan, niin net jääpii sinua kattelhen penshan takkaa, niinku väärtiä koskaki. Net tietää, ettet sie niile mithän pahhaa halva tehä, seku kattoa vain.
Etelän hulinan jälkhen, ei ole parempaa paikkaa tyhjentää pää ajatuksista ja kiirhestä. Mettäterapia toimii aina."
Ei kommentteja:
Lähetä kommentti