 |
| Hauvvenkoukkujaki laitoima. |
"Pääsiäinen hurahti kohta liianki hopusti. Neljä päivää kelkkailua ja pilkkimistä. Naamaki on niin ahvottunu, että ei kestäny saunassakhan ees ottaa kunnon löylyjä, ko meinas alkaa nokkaa kirveltämhän. Matkassakhan ei ollu margariinia kummempaa rasvaa taaskhan. Viime vuona kallaa ei saanu oikhen misthän, mutta tänä vuona tilane onki päinvastoin. On sauvvustettu, paistettu, suolattu ja keitetty tauroa. Kyllä kylmän veen kala maistuuki hyväle.
 |
| Ja pääsimä syömhänki. |
Kelikki sattu ihan hyät ko vähä oli kylmän puolela. Kesti ajjaa mistä vain. Eilinen räntäsaje sitte pakkas kastelemhan ja puottamhan, mutta emmä onneksi jäänhe vethen kiini. Sitä oliki järvet ja joet täynä, Siinä oliski ollu hommaa saaja parireet sohjosta poijjes. Joskus joutunu tosissa kaivamhan tuntitolkula.
 |
| Pikkusen oli vettä joela. Saaphat juuri liinas. |
Kevhän tulo kuiteski jatkuu. Nautima näistä viimisistä keleistä niin pitkhän ko voima. Lunta ei ole ko puolet viimi vuotisesta ja jääkki on tosi ohkaset. Olkaa varovaiset ko ajeletta kelkala.
Ja seurakkaappa vanhemat, mitä teijjän läpit tekkee. Sielä oli eilen facebookin kuntalaiskanavalla kuvattu poikasten kelkala leikkimistä. Toivottavasti vain kelkka uppoaa, jos jotaki vielä sattuu...
Turvallista kevhänjatkoa!"
Ei kommentteja:
Lähetä kommentti