"Kortto senthän, ko koko aijjan pittää sattaa. Ulkona ko touhuaa, niin tullee hiki ko häätyy piettää saevaatheita päälä. Kastuu joka taphauksessa, oli kamphet päälä tai ei. Välilä ei uskala kattoa taihvaale suu auki, ko yrittää nähä pilvien takkaa vanhaa taivasta. Saattaa vielä hukkua.
So kuulkaa tänhän tuo rillaaminen taitolaji. Ko yhelä käelä piät sathenvarjoa, yhelä kääntelet makkaroita ja yhelä huijjot sääskiä. Loppuu käjet kesken. Häytyy sitä kuitenki yrittää piettää perintheitä yllä. Juhanus ei ole ko kerran vuojessa, ku joulu on senthän joka vuosi.
Veen tulosta huolimatta, hyvvää juhanusta kaikile. Kyllä se tästä vielä asettuu. Kyllä se viimeisthän syksylä toppaa. Tosin se vaihtaa olomuotoa, mutta sitä memmä ala vielä ressaamhan. Nyt mie lähen hakhen rillin esile."
 |
| Hilla kukkii. |
Ei kommentteja:
Lähetä kommentti